जग्गाधनीले मुआब्जा नपाएको भन्दै तीन दिनअधि बन्द गरेको जलविद्युत् अझै खुलेन
खोटाङ, २७ मङ्सिर । प्रवर्धक कम्पनीले मुआब्जा नदिएको केपिलासगढी गाउँपालिकाका स्थानीय जग्गाधनीले माथिल्लो रावाखोला साना जलविद्युत् आयोजना पुनः बन्द गराएका छन् । विद्युत् आयोजनाले ओगटेको निजी जग्गाको उचित मुआब्जा तथा क्षतिपूर्ति नपाएको भन्दै जग्गाधनीहरुले तीन मेगावाट क्षमताको माथिल्लो रावाखोला जलविद्युत् आयोजनाको उत्पादन तीन दिनदेखि पूर्ण रूपमा बन्द गराएका हुन् ।
यही मङ्सिर–६ गते प्रवर्धक कम्पनीका प्रतिनिधि र जग्गाधनीबीच मङ्सिर–२५ गतेभित्र क्षतिपूर्ति उपलब्ध गराउने सहमति भएको थियो । दुई पक्षबीच बसेर गरिएको लिखित सहमति प्रवर्धक कम्पनीले कार्यान्वयन नगरेपछि जग्गाधनीले सोही दिन अर्थात् मङ्सिर–२५ गते बेलुकादेखि पानी टरबाइनबाट हटाएर खोलातिर फर्काइदिएका थिए ।
लामो समयदेखि मुआब्जा नपाएको भन्दै चरणवद्ध आन्दोलनमा उत्रिएका स्थानीयवासीले गत चैतमा समेत उक्त जलविद्युत् आयोजना तीन दिन बन्द गराएका थिए...
